Қазақ тілін меңгеру деңгейін
бағалау жүйесі - ҚазТест

2022 жылғы 18-22 сәуір аралығында Алматы қаласында қазақ тілін білу деңгейін анықтау бойынша диагностикалық тестілеу өтті. Тест Қазақстан Республикасындағы тіл саясатын іске асырудың 2020 – 2025 жылдарға арналған мемлекеттік бағдарламасы негізінде ұйымдастырылды. Диагностикалық тестке келесі мекеменің қызметкерлері қатысты:

-       Алматы қаласы аудандарының әкімдік аппараттары;

-       ҚР ІІМ М.Есболатов атындағы академия;

-  ҚР Мемлекеттік қызмет істері және сыбайлас жемқорлыққа қарсы іс-қимыл агенттігі Сыбайлас жемқорлыққа қарсы іс-қимыл ұлттық бюросының Алматы қаласы бойынша департаменті;

-       ҚР Денсаулық сақтау министрлігінің «Алатау» балалар клиникалық санаторийі;

Тестке барлығы 1239 адам қатысты. Тестіленушілер тестті ықшамдалған жаңа форматта тапсырды. Тыңдалым, лексика-грамматика және оқылым бөліктері бойынша барлығы 100 тапсырманы 1 сағат 40 минутта орындады.

Алматы қаласы әкімінің аппараты бірнеше жылдан бері QAZTEST жүйесін дамыту басқармасымен тығыз байланыста жұмыс атқарып келеді. Кезекті тестілеуді ұйымдастыруға ат салысқан әріптестерімізге алғысымызды білдіреміз.