ҚР БҒМ Ұлттық тестілеу орталығының Қазтест жүйесін дамыту басқармасы 2020 жылғы 12 мамырдан бастап Нұр-Сұлтан қаласында Қазтест жүйесі бойынша сертификаттық тестілеу жұмысын қайта жүргізетінін хабарлайды. Елімізде COVID-19 пандемиясының таралуына байланысты тестілеуге медициналық бетперде киіп келуіңіз талап етіледі. Республика аумағында өзге өңірлерде карантин жағдайының сақталуына орай мамыр айында ҚАЗТЕСТ жүйесі бойынша сертификаттық және диагностикалық тестілеу өткізу көзделмеген. Қосымша сұрақтар бойынша 8 (7172) 695285 байланыс нөміріне хабарласуыңызға, сондай-ақ app@kazakhtest.kz электронды поштасына жазуыңызға болады.
