ҚАЗТЕСТ жүйесі бойынша тест тапсырмаларының қорын қалыптастыру мақсатында ҚР БҒМ Ұлттық тестілеу орталығы ҚАЗТЕСТ жүйесін дамыту жөніндегі басқарма қызметкерлері Алматы қаласында 2018 жылғы 3-7 қыркүйек аралығында іссапарда болды.
Тест тапсырмаларын ҚАЗТЕСТ жүйесінің нормативтік құжаттарына сәйкес (Ұлттық стандарттар, Тест спецификациясы, лексикалық минимумдар) жоғары оқу орындарының, атап айтқанда, әл-Фараби атындағы Қазақ Ұлттық университетінің, А. Байтұрсынұлы атындағы Тіл білімі институтының, Сулейман Демирел университетінің, Қазақ мемлекеттік қыздар педагогикалық университетінің тілші-ғалымдары, әдіскер мамандары әзірлейді.
2018 жылдың ІІ жартыжылдығында сөйлеу әрекетінің төрт түрі бойынша (Тыңдалым, Лексика-грамматикалық бөлік, Оқылым, Жазылым) жалпы саны 8000 тест тапсырмасы жинақталды.
Ағымдағы жылдың 17-19 қыркүйек аралығында әзірленген тест тапсырмаларының тәуелсіз сараптамасы өткізіледі. Тест тапсырмаларының сарапшылары – тестілеу және тілдік білім деңгейін бағалау саласында семинарлар, авторлық курстардан өткен тілші-ғалымдар, әдіскерлер мен тестология саласының мамандары.