Ағымдағы жылдың 22-24 ақпан және 25-28 сәуір күндері Қазақстан Республикасы Білім және ғылым министрлігі Ұлттық тестілеу орталығының қатысуымен Ақтөбе облысының тілдерді дамыту басқармасының және аудандық Мәдениет және тілдерді дамыту бөлімдерінің бірлесе ұйымдастыруымен Қазақстан Республикасында тілдерді дамыту мен қолданудың 2011-2020 жылдарға арналған мемлекеттік бағдарламасын жүзеге асыру аясында Ақтөбе қаласында және Байғанин, Мұғалжар, Темір аудандарында диагностикалық және сертификаттық тестілеу сынағы өткізілді.
Мемлекеттік тілді меңгеру деңгейін бағалау бойынша өткізілген сынаққа облыстың халыққа қызмет көрсету, құқық қорғау, бюджеттік сала, мемлекеттік қызметшілері қатысты. 22-24 ақпан күндері диагностикалық тестілеуден 1947 тестіленуші (мемлекеттік қызметшілер – 396, бюджеттік сала қызметкерлері - 1335) өтсе, 25-28 сәуір күндері диагностикалық тестілеуге 2963 тестіленуші (мемлекеттік қызметшілер – 517, бюджеттік сала қызметкерлері - 2232) қатысты.
