Қазақ тілін меңгеру деңгейлеріне сәйкес сөздер сөз тіркестерінің минимальды қоры
Қазақстан Республикасы Мәдениет министрлігі Тіл комитетінің тапсырысымен қазақ тілін меңгеру деңгейлеріне сәйкес сөздер мен сөз тіркестерінің минимальды сөздік қоры әзірленіп, баспадан жарық көрді. Минимальды сөздік қор қарапайым, базалық, орта, ортадан жоғары және жоғары деңгейлер бойынша халықаралық тәжірибелерге сабақтастықта әзірленген. Сөздік қордың ерекшелігі белсенді қолданылатын қазақ лексикасы мағыналық тақырыптарға топтастырыла отырып берілген. Минимумда тілдегі лексикалық қабаттар грамматикалық категориялар мен мағыналық тақырыптар бойынша топтастырылған. Басылым – азаматтардың қазақ тілін меңгеру деңгейін бағалау жүйесі – ҚАЗТЕСТ-тің әдістемелік материалдарының бір бөлігі болып табылады. Лексикалық минимум тіл үйренушілерге, қазақ тілін екінші тіл ретінде, шет тілі ретінде үйренушілерге, тест тапсырушыларға, оқытуға, сондай-ақ, оқытушыларға, оқу құралдарының авторларына, зерттеушілер мен ғалымдарға, ізденушілер мен студенттерге және кең көлемді қолданушыларға арналған.
<br />
