Қазақ тілін меңгеру деңгейін
бағалау жүйесі - ҚазТест

Қазақстан Республикасында қазақ тілін оқыту мен бағалау үдерісін жүйелейтін бірден-бір нормативті құжат ретінде Қазақ тілін меңгерудің коммуникативтік тілдік құзыреттілік талаптарын анықтайтын мемлекеттік стандарттар белгіленген.

Стандарттар 2015 жылы Қазақстан Республикасы Инвестициялар және даму министрлігінің Техникалық реттеу және метрология комитетінің 2015 жылдың 24 қарашадағы № 236-од бұйрығымен:

ҚР СТ 1926-2009 «Қазақ тілін меңгерудің коммуникативтік тілдік құзыреттіліктері. Қарапайым деңгей. Жалпы меңгеру».

ҚР СТ 1928-2009 «Қазақ тілін меңгерудің коммуникативтік тілдік құзыреттіліктері. Базалық деңгей. Жалпы меңгеру».

ҚР СТ 1929-2009 «Қазақ тілін меңгерудің коммуникативтік тілдік құзыреттіліктері. Орта деңгей. Жалпы меңгеру».

ҚР СТ 1925-2009 «Қазақ тілін меңгерудің коммуникативтік тілдік құзыреттіліктері. Ортадан жоғары деңгей. Жалпы меңгеру».

ҚР СТ 1927-2009 «Қазақ тілін меңгерудің коммуникативтік тілдік құзыреттіліктері. Жоғары деңгей. Жалпы меңгеру» Ұлттық стандарттар мәртебесінде қайта қолданысқа енгізілді.

2016 жылдың 23 желтоқсанында Қазақстан Республикасы Премьер-Министрінің төрағалығымен өткізілген Мемлекеттік тіл саясатын одан әрі жетілдіру жөніндегі комиссия отырысының хаттамасына сәйкес барлық орталық, жергілікті атқарушы мемлекеттік органдар мен мемлекеттік қызмет көрсету ұйымдары аталған Ұлттық стандарттарды қолданысқа енгізуі қажет.

Ұлттық стандарттардың қосымшасында мемлекеттік тілді белгілі көлемде меңгеруі абзал кәсіптердің, мамандықтардың және лауазымдардың тізбесі берілген. Бұл құжат «Мемлекеттік тілді кім қай деңгейде білуі керек?» деген қоғамда пайда болған сұраққа нақты жауап бола алады. Ұлттық стандарттар 2017 жылдың 1 қаңтарынан бастап қолданыста.

Стандарттар ағымдағы жылдың 8 ақпанынан бастап ресми сатылымға шықты. Ұлттық стандарттарды қолданысқа алу жолдары келесідей: