Қазақ тілін меңгеру деңгейін
бағалау жүйесі - ҚазТест

2016 жылдың 15-19 ақпан аралығында қазақ тілін меңгеру деңгейін анықтау және бағалау ҚАЗТЕСТ жүйесі бойынша Алматы облысы Талдықорған қаласының мемлекеттік және азаматтық қызметкерлері арасында тестілеу өткізілді.

Тестілеуге аудан әкімінің аппарат қызметкерлері, аймақ әкімдерінің орынбасарлары, денсаулық сақтау мекемелері, мектеп директорлары мен ұстаздары және т.б. қатысты.

Жалпы облыс бойынша 1006 тестіленуші қатысты, оның ішінде («684 диагностикалық және 322 тестіленуші сертификаттық (А1, А2) тестілеуден өтті. Мемлекеттік қызметшілер саны – 363, бюджеттік сала қызметкерлері – 614 адамды құрады. Талдықорған қаласы бойынша – 136 адам, Текелі қаласы – 147 адам, Қаратал ауданы – 144 адам, Ескелді ауданы – 147 адам, Көксу ауданы – 150 адам, Кербұлақ ауданы – 147 адам, Қарасай ауданы – 135 адам өтті.

Аталған іс-шара Талдықорған қаласының облыстық «Тіл» оқу-әдістемелік орталығы ұжымымен бірлесе ұйымдастырылды. Іс-шараға аса жауапкершілікпен қарап, жоғары деңгейде өткізгендері үшін Алматы облысы «Тіл» оқу-әдістемелік орталығы ұжымына алғысымызды білдіреміз.