Мемлекеттік қызметшілердің «А» корпусы өкілдері қазақ тілін меңгеру бойынша байқау сынағын тапсырды.
Астана қаласында Қазақстан Республикасы Мемлекеттік қызмет істері агентігінің бастамасымен Ұлттық тестілеу орталығы мемлекеттік қызметшілердің «А» корпусы өкілдерінің арасында қазақ тілін меңгеру деңгейін анықтауға арналған байқау сынағын өткізді. Бұл жолғы байқау сынақтарына 39 мемлекеттік қызметші қатысты. Тест үш бөліктен тұрады: Бірінші бөлік – тыңдалым (тыңдап түсінуді бағалау), екінші бөлік – лексика-грамматикалық бөлік (қазақ тілінің лексика-грамматикалық құрылымдарын күнделікті тілдік қатысым барысында пайдалану дәрежесін бағалау), үшінші бөлік – оқылым (оқып түсінген материалдарды бағалау). Еске сала кетейік, Мемлекеттік қызметшілердің «А» корпусы өкілдерінің мемлекеттік тілді меңгеру деңгейін ҚАЗТЕСТ стандарттарымен анықталатыны туралы шешім қабалданған болатын.
