Қазақстан Республикасы Индустрия және жаңа технологиялар министрлігі Өнеркәсіп комитетінің мемлекеттік қызметшілері мемлекеттік тілді меңгеру деңгейін анықтау бойынша диагностикалық тестілеуден өтті
2014 жылдың 4 наурызы күні Қазақстан Республикасы Индустрия және жаңа технологиялар министрлігінің Өнеркәсіп комитетінде мемлекеттік тілді оқыту курстарын ұйымдастыру мақсатында мемлекеттік қызметшілер мемлекеттік тілді меңгеру деңгейін анықтау бойынша диагностикалық тестілеуден өтті. Тестілеуге 15 қызметші қатысты.
Тестіленушілерге есту арқылы түсінгенін бағалауға арналған («Тыңдалым» бөлігі), қазақ тілінің лексика-грамматикалық құрылымы (Лексика-грамматикалық құрылым), оқыған мәтіндерді түсіну («Оқылым» бөлігі) бойынша 150 тест тапсырмасы ұсынылды, жалпы тест тапсыру уақыты 150 (2 сағат 30 минут) минутты құрады. Тестілеу нәтижесі бойынша мемлекеттік қызметшілер деңгейлік топтарға бөлініп, аталған мекеме мен ҚАЗТЕСТ жүйесінің мемлекеттік тілді оқытуда жұмыстары сабақтаса түспек.
Аталған іс-шара Қазақстан Республикасындағы тілдерді дамыту мен қолданудың 2011-2020 жылдарға арналған мемлекеттік бағдарламасының міндеттерін жүзеге асыру мақсатында ұйымдастырылды.
