ҚАЗТЕСТ жүйесіне арналған оқу-әдістемелік құралдар әзірлеу мәселелері бойынша семинар-кеңес.
2011 жылдың 16-18 тамыз аралығында қазақ тілін меңгеру деңгейін бағалау жүйесі – ҚАЗТЕСТ емтиханын тапсыруға арналған қазақ тілін меңгеру деңгейлеріне сәйкес көмекші оқу-әдістемелік құралдар, грамматикалық минумумдар, минимальды сөздік қор әзірлеу бойынша «Қазақ тілін меңгеру деңгейлеріне сәйкес оқу-әдістемелік құралдар, минимальды сөздік қор және грамматикалық құралдар әзірлеу мәселелері» тақырыбында семинар-кеңес өткізілді.
Семинар-кеңес барысында аталған оқу құралдарының алғашқы нұсқалары талқыланып, түзетулер мен толықтырулар арқылы әзірлемешілерден қабылдап алынды. Қазақ тілін меңгерудің деңгейлеріне сәйкес оқу құралдарының келесі деңгейлерге арналған нұсқаларының мазмұны мен құрылымы талқыланды.
Семинар-кеңеске жұмыс тобының 17 мүшесі қатысты. Семинар-кеңес Ұлттық тестілеу орталығының мемлекеттік сатып алу бойынша Тіл комитетімен жасаған №41 (19.07.11ж.) келісімшарты аясында өз міндеттемелерін орындау мақсатында ұйымдастырылды.
