Азаматтардың қазақ тілін меңгеру деңгейін бағалау жүйесі – ҚАЗТЕСТ бойынша мемлекеттік қызметкерлер арасында байқау сынақтары өткізілді.
Ұлттық тестілеу орталығы 2011 жылдың 17-22 қаңтар аралығында Шығыс Қазақстан облысы бойынша мемлекеттік қызметкерлердің мемлекеттік тілді меңгеру деңгейін анықтау бойынша ҚАЗТЕСТ жүйесі негізінде байқау сынағын ұйымдастырып өткізді. ҚАЗТЕСТ жүйесі бойынша тестілеуден аудан мен қала әкімдері, облыс және қала әкімдігі департаменттердің директорлары, түрлі деңгейдегі сарапшы мемлекеттік қызметкерлер өтті. Жалпы байқау сынақтарына 324 адам қатысты. Тестілеудің соңынан байқау сынақтарына қатысушылар арасында тест мазмұны мен құрылымы бойынша сауалнамалар өткізілді.
