Халықаралық Бизнес Академиясы қызметкерлерінің мемлекеттік тілді білу деңгейін анықтауға арналған тестілеу өткізілді
Ұлттық тестілеу орталығы Халықаралық Бизнес Академиясының қызметкерлерінің мемлекеттік тілді меңгеру деңгейін анықтау үшін ҚАЗТЕСТ жүйесі бойынша тестілеу емтихандарын өткізді. Іс-шара мемлекетік тілді меңгеруге қызметкерлерді ынталандыру мақсатында ұйымдастырылды.
Тестілеу еуропалық тілдік референттілік талаптарына сай қазақ тілін меңгерудің тыңдап түсіну, оқып түсіну мен тілдің лексика-грамматикалық құрылымы ерекшеліктерінен 150 тест тапсырмасы түрінде өткізілді.
Қазіргі таңда жоғарғы оқу орнының 60 қызметкері ҚАЗТЕСТ жүйесі бойынша тест тапсырып, олардың 11-і қазақ тілін жоғары деңгейде меңгергендігін дәлелдеді. Аталған іс-шара мемлекеттік тілдің мәртебесін көтеріп, бәсекелестікке қабілеттілігін арттыруда жасалып жатқан игі бастамалардың бірі ретінде қазақ тілін үйренуге үлкен септігін тигізуде.
Еске сала кетейік, ҚАЗТЕСТ жүйесі – Қазақстан Республикасында азаматтардың қазақ тілін меңгеру деңгейін бағалауда қолданылатын біріңғай отандық жүйесі.
