Қазақ тілін оқытуға арналған грамматикалық анықтағыш әзірленді
Ұлттық тестілеу орталығы қазақ тілін оқытуға арналған грамматикалық анықтағыш әзірледі.
Грамматикалық анықтағыш қазақ тілін шетел тілі немесе екінші тіл ретінде оқыту әдістемесі негізінде әзірленді. Құрал қазақ тілі құрылымының ережелерін түрлі жаттығулар арқылы тілдік дағдының тиімді қалыптасуына ықпал етуімен ерекшеленеді. Грамматикалық анықтағыш қалыптастыруда халықаралық тәжірибелер негізге алынды. Мәтіндердің, жаттығулардың мазмұнына байланысты суреттер мен иллюстрациялар тілдік дағдылардың қалыптасуына септігін тигізеді. Жаттығуларды құрал беттерінде орындауға мүмкіндік қарастырылған.
Грамматикалық анықтағыш Қазақстан Республикасы Мәдениет және ақпарат министірлігі Тіл комитетінің тапсырысы бойынша үздіксіз білім беру моделі арқылы «Қазақ тілін шетел тілі немесе екінші тіл ретінде оқыту» әдістемесі негізінде қазақ тілін оқытуға арналған типтік оқу-әдістемелік кешен әзірлеу жобасы аясында әзірленіп отыр.
