ҚАЗТЕСТ жүйесі бойынша тестілеуге дайындалудың әдістемелік құралы
Ұлттық тестілеу орталығы мемлекеттік тапсырыс бойынша ҚАЗТЕСТ-ке дайындалудың әдістемелік құралын баспадан шығарды.
Әдістемелік құрал қазақ тілін меңгеру деңгейін бағалау жүйесі – ҚАЗТЕСТ бойынша тестілеу емтиханына дайындалу үшін және қазақ тілін үйренуші жалпы оқырман қауымға арналған.
Құралда тыңдалым, оқылым, жазылым бөліктері мен қазақ тілінің лексика-грамматикалық құрылымы бойынша тест тапсырмаларына талдау жасалған және тіл үйренушіге қазақ тілін меңгеруде ықпал етерлік жаттығулар мен тапсырмалар келтірілген.
Тест тапсырмаларын түсіндіріп, талдап, тілдік құрылымдарды еске түсіру арқылы қазақ тілін меңгеруде жаңа мүмкіндіктер береді.
Жалпы таралымы – 3000 дана. ҚАЗТЕСТ-ке дайындық құралы алғашқы деңгейлер үшін орыс тілінде де берілген.