Қазақ тілін меңгеру деңгейін
бағалау жүйесі - ҚазТест

Ұлттық тестілеу орталығы мен ETS Global халықаралық ұйымы арасында білім беру сапасын бағалау саласындағы ынтымақтастық меморандумы

2011 жылдың 27 қыркүйегінде Қазақстан Республикасы Білім және ғылым министрлігі Ұлттық тестілеу орталығының Мемлекеттік тілді дамыту басқармасы ETS® ұйымының (Educаtional Testing Service – Білім саласындағы тестілеу қызметі, АҚШ, Принстон университеті) еуропалық өкілдігі ETS Global атқарушы директоры Паскаль Мевеллек (Pascal Mevellec, Executive Director, Sales and Fulfillment) және байланысты кеңейту координаторы Чинара Адамалиева мен Білім және ғылым Вице-министрінің басқаруымен Білім және ғылым министрлігінің басшылық аппараты­мен кездесуін ұйымдастырды. Кездесу барысында ETS Global халықаралық ұйымы мен Қазақстан Республикасы Білім және ғылым министрлігінің ынтымақтастық бағыттары талқыланды.

Диалог нәтижесінде Ұлттық тестілеу орталығы мен ETS Global халықаралық ұйымы арасында білім беру сапасын бағалау саласындағы ынтымақтастық меморандумына қол қойылды.