Testiley' Qazaqstan Respy'bli'kasy Bilim ja'ne g'ylym mi'ni'strliginin' «Ulttyq testiley' ortalyg'y» RMQK ja'ne Qazaqstan Respy'bli'kasy Memlekettik qyzmet ister agenttiginin' «Memlekettik qyzmettin' personalyn basqary' ulttyq ortalyg'y» AQ-men birlese ui'ymdastyrylyp, o'tkizildi. 

«A» korpy'synyn' memlekettik a'kims'ilik lay'azymdaryna qoi'ylatyn arnai'y biliktilik talaptary ty'raly» Qazaqstan Respy'bli'kasy Memlekettik qyzmet isteri agenttiginin' 2013 jylg'y 19 nay'ryzdag'y № 06-7/34 bui'ryg'yna sa'i'kes «memlekettik tildi i'gery' den'gei'ine talaptarg'a sa'i'kestigi Qazaqstan Respy'bli'kasy Bilim ja'ne g'ylym mi'ni'strliginin' QAZTEST ju'i'esi boi'yns'a testiley' o'tkizy' na'ti'jeleri boi'yns'a anyqtalady. «Bazalyq den'gei'den to'men na'ti'je aly' u'mitkerdi «A» korpy'synyn' a'kims'ilik memlekettik qyzmet kadr rezervine aly'g'a iriktey'ge a'ri qarai' qatysy'dan alyp tastay'g'a negiz bolmai'dy, biraq kadr rezervin qalyptastyry' kezinde esepke alynady» dep anyqtalg'an. 

Atalg'an talaptarg'a sa'i'kes qazaq tilin men'gery' den'gei'in anyqtay' testiley'i QAZTEST ju'i'esi boi'yns'a o'tkizildi. 

Testiley'ge 365 adam qatysty. Olar: ortalyq atqary's'y organdardyn' jay'apty hats'ylary; Qazaqstan Respy'bli'kasy Konsti'ty'tsi'i'alyq Ken'esi, Prezi'dentinin' Is basqarmasy, Qazaqstan Respy'bli'kasy Ortalyq sai'lay' komi'ssi'i'asy, Respy'bli'kalyq bi'y'djettin' atqaryly'yn baqylay' jo'nindegi esep komi'teti, Qazaqstan Respy'bli'kasy Memlekettik qyzmet isteri agenttigi apparattarynyn' bass'ylary; oblystardyn', astananyn' ja'ne respy'bli'kalyq man'yzy bar qalanyn' a'kimderi; jay'apty hats'y lay'azymy engizilmegen ortalyq atqary's'y organdar apparattarynyn' bass'ylary; Qazaqstan Respy'bli'kasy Prezi'denti A'kims'iliginin' sektor men'gery's'ileri; Qazaqstan Respy'bli'kasy Memlekettik qyzmet isteri agenttiginin' ay'maqtyq organdarynyn' bass'ylary ja'ne Qazaqstan Respy'bli'kasy Memlekettik qyzmet isteri agenttiginin' oblystardag'y, astanadag'y ja'ne respy'bli'kalyq man'yzy bar qaladag'y ta'rtiptik ken'esterinin' to'rag'alary ja'ne t.b. lay'azymdarg'a u'mitkerler. 

Testileny's'ilerdin' jas ereks'elikterinin' quramy – 24 jastan 60 jasqa dei'in. 

Testiley' u'mitkerdin' tyn'dag'an, oqyg'an ma'limetti tu'siny' qabiletin, qazaq tilinin' fy'nktsi'onaldyq qyzmetin ku'ndelikti o'mirde qoldana bily' da'rejesin bag'alady. 

Test qurylymy QAZTEST ju'i'esi boi'yns'a qazaq tilin men'gery'din' bes den'gei' (qarapai'ym, bazalyq, orta, ortadan jog'ary, jog'ary den'gei'ler) tapsyrmalaryn qamtydy ja'ne berilgen to'rt jay'aptan bir durys jay'ap tan'day' tu'rinde boldy.