Pavlodarlyqtar memlekettik tildi men'gery' den'gei'in anyqtay' testin tapsyrdy
2014 jyldyn' 17-19 aqpan aralyg'ynda Pavlodar qalasynda memlekettik qyzmets'iler, bi'y'djettik sala men aktsi'onerlik qog'amdardyn' qyzmetkerleri memlekettik tildi men'gery' den'gei'in anyqtay' maqsatynda – di'agnosti'kalyq testiley'den o'tti. Testiley'ge jergilikti, ay'maqtyq memlekettik organ, jog'ary oqy' oryndarynyn' ja'ne «QazTransOi'l» aktsi'onerlik qog'amynyn' qyzmetkerleri qatysty. Barlyg'y QAZTEST testiley'inen 683 adam o'tti. Onyn' is'inde 14,1% o'zge ult o'kilderi (orys, y'krai'n, belory's, nemis, tatar, ui'g'yr, ka'ris, poli'ak) qurady.
Testileny's'ilerge esty' arqyly tu'siny' («Tyn'dalym» bo'ligi), qazaq tilinin' leksi'ka-grammati'kalyq qurylymyn qoldana aly' (Leksi'ka-grammati'kalyq qurylym), oqyg'an ma'tinderdi tu'siny' («Oqylym» bo'ligi) boi'yns'a 150 test tapsyrmasy usynyldy, jalpy test tapsyry' y'aqyty – 150 (2 sag'at 30 mi'ny't) mi'ny'tty qurady. Testiley' na'ti'jesi boi'yns'a qyzmetkerler den'gei'lik toptarg'a bo'linip, oqyty' ortalyqtarynda QAZTEST a'distemesi negizinde qazaq tilin teren'irek men'gery'ge kirisedi.
Atalg'an is-s'ara Qazaqstan Respy'bli'kasyndag'y tilderdi damyty' men qoldany'dyn' 2011-2020 jyldarg'a arnalg'an memlekettik bag'darlamasynyn' mindetterin iske asyry' maqsatynda Pavlodar oblysy a'kimdiginin' Tilderdi damyty' basqarmasy ja'ne «Ana tili» memlekettik tildi oqyty' ortalyg'ymen ui'ymdastyryldy. Ulttyq testiley' ortalyg'y qazaq tilinin' ma'rtebesin arttyryp, qoldanys ai'asyn ken'ei'ty' men ba'sekelestikke qabilettigin arttyry'dag'y o'z seriktesteri birlesip atqaryp otyrg'an Pavlodar oblystyq Tilderderdi damyty' basqarmasy men «Ana tili» ortalyg'yna ri'zalyg'yn bildiredi.
Back to the list
