Respy'bli'kalyq biliktilikti arttyry' semi'nary o'tti
Ag'ymdag'y jyldyn' 23-26 sa'y'ir aralyg'ynda QR Bilim ja'ne g'ylym mi'ni'strligi Ulttyq testiley' ortalyg'y men QR Ma'deni'et ja'ne aqparat mi'ni'strligi S'.S'ai'ahmetov atyndag'y Tilderdi damyty'dyn' respy'bli'kalyq u'i'lestiry'-a'distemelik ortalyg'y birlese otyryp «Qazaq tilin ekins'i til retinde oqyty'dyn' a'disnamasy men QAZTEST tapsyrmalaryn jetildiry'» taqyrybynda to'rt ku'ndik respy'bli'kalyq biliktilikti arttyry' semi'naryn o'tkizdi. Semi'narg'a QAZTEST ju'i'esi test tapsyrmalarynyn' a'zirlemes'ileri men saraps'ylary, o'n'irlik til oqyty' ortalyqtarynyn' oqyty's'ylary men a'diskerleri qurai'tyn jalpy sany 69 adam qatysty. Semi'nardyn' alg'as'qy ku'ni Ulttyq testiley' ortylyg'ynyn' di'rektory Q.S. A'bdi'ev qazaq tilin ekins'i til retinde oqyty'g'a arnalg'an ti'ptik oqy'-a'distemelik kes'en ja'ne QAZTEST ju'i'esinin' damy' kezen'deri men jetistikteri ty'raly, QR Ma'deni'et ja'ne aqparat mi'ni'strligi, Til komi'teti, Talday' ja'ne moni'tori'ng basqarmasynyn' bastyg'y G.Ta'y'elqyzy memlekettik tildi oqyty' a'disnamasyn jetildiry' men standarttay', qazaq tilin oqyty'dyn' i'nfraqurylymyn damyty' jai'ynda, UTO Memlekettik tildi damyty' basqarmasynyn' jeteks'isi A.T. A'bdihalyqov qazaq tilin ekins'i til retinde oqyty'dyn' a'disnamasyn jetildiry' ja'ne til men'gery' den'gei'in bag'alay' quraldary men so'i'ley' a'reketinin' tu'rlerin damyty' ma'seleleri jo'ninde bai'andama jasady. Til men'gery'degi kommy'ni'kati'vtik quzyrettilik ug'ymyn g'ylymi' turg'yda naqtylap, onyn' quramdas bo'likterin til oqyty' barysynda qalyptastyry' ereks'elikterin bai'andady. Tildi oqyty' men til men'gery' den'gei'in bag'alay'dy bir-birinen ajyramas tutas u'deris turg'ysynan g'ylymi' negizdemelerdin' ereks'elikterin keltirdi. Odan a'ri qazaq tilin s'etel tili nemese ekins'i til retinde oqyty' a'distemesi negizinde a'zirlengen oqy'lyq avtorlarynyn' biri, «Haileybury Astana» mektebinin' oqyty's'ysy, A.T. Bozbaeva qazaq tilin s'etel tili nemese ekins'i til retinde oqyty'da a'distemenin' ti'imdiligi, o'mirs'en'digi men zamanay'i' talaptarg'a sa'i'kestigi ty'raly jan-jaqty ma'limet berip, olardyn' ereks'elikterine s'oly' jasady. Memlekettik tildi oqyty'g'a arnalg'an ti'ptik bag'darlama, Qazaqstan Respy'bli'kasynyn' memlekettik standarttary ja'ne qazaq tilin oqyty'g'a arnalg'an bes den'gei'lik oqy'lyqtyn' mazmundyq sabaqtastyg'y jai'ly jete tu'sindirilip, jekelegen taqyryptarg'a bai'lanysty mysaldar keltirdi. Sondai'-aq, qazaq tilin oqyty'dag'y ty'yndai'tyn tu'rli ma'selelerdi s'es'y', qi'yndyqtardy jen'y' men olardy boldyrmay' joldary ty'raly qyzy' pikirtalas boldy. Semi'nardyn' ekins'i ku'ni qazaq tilin ekins'i til retinde oqyty' a'distemelerinin' negizgi qag'i'daty, qalyptasy'y qajet tildik dag'dylar, olardyn' oqyty' men men'gery'di bag'alay'men ara bai'lanysy ty'raly g'ylymi' ko'zqarastan bastaldy. Basqarma jeteks'isi A.T. A'bdihalyqov QAZTEST tapsyrmalaryn qalyptastyry'dyn' a'dis-ta'silderine teren'irek toqtalyp, olardyn' sapasyn arttyry' maqsatynda qazaq tilin oqyty' a'distemesimen tikelei' bai'lanystyryp, na'ti'jege bag'yttalg'an bilim bery' pri'ntsi'pi boi'yns'a taldamalar jasady. Osy izben fi'lologi'i'a g'ylymdarynyn' doktory, Su'lei'men Demi'rel y'ni'versi'tetinin' oqyty's'ysy Jols'aeva Mai'ra Satybaldyqyzy til men'gery' den'gei'in bag'alay' quraldaryn jetildiry' men test tapsyrmalarynyn' sapasyn arttyry' joldaryn usyna otyryp, so'i'ley' a'reketinin' tu'rleri, atap ai'tqanda, «Tyn'dalym», «Leksi'ka-grammati'ka», «Oqylym», «Jazylym» bo'likterinin' o'zara uqsastyqtary men ereks'elikterin taldady. U's'ins'i ku'nnin' birins'i bo'liginde UTO Memlekettik tilderdi damyty' basqarmasy, Test tapsyrmalaryn qalyptastyry'dy ui'ymdastyry' g'ylymi'-a'distemelik zerthanasynyn' men'gery's'isi J. S. Bei'sembaeva «Tyn'dalym» bo'ligi boi'yns'a, ekins'i jartysynda Testiley'di ui'ymdastyry' g'ylymi'-a'distemelik zerthanasynyn' men'gery's'isi M.G'. Sady'aqasova «Oqylym» bo'ligi boi'yns'a, al semi'nardyn' to'rtins'i ku'ni Test tapsyrmalaryn qalyptastyry'dy ui'ymdastyry' g'ylymi'-a'distemelik zerthanasynyn' jeteks'i saraps'ysy S'. H. Balg'oji'na «Leksi'ka-grammati'ka» bo'ligi boi'yns'a J.S.Bei'sembaeva «Jazylym» bo'ligi boi'yns'a test tapsyrmalarynyn' ereks'elikteri negizinde prakti'kalyq taldamalar jasady. Prakti'kalyq da'risterde a'rbir bo'liktin' o'zindik ereks'eligi, maqsaty men mindeti, test tapsyrmalaryna qoi'ylatyn talaptar, olardyn' qi'yndyq den'gei'i, tapsyrma tu'rleri men ko'lemi tolyq qamtyldy. So'i'ley' a'reketinin' tu'rleri boi'yns'a qalyptasatyn tildik dag'dylardy ko'zdei' otyryp, test tapsyrmalaryn qurastyry'dyn' tehnologi'i'asy tanystyryldy. A'rbir test tapsyrmasynyn' sapasynyn' maqsatqa lai'yq boly'yna ko'n'il bo'linip, og'an negiz bolatyn qag'i'dattardy, mysaly, jen'ilden ku'rdelige o'ty' pri'ntsi'pterin, spetsi'fi'katsi'i'a talaptaryn saqtai' otyryp orynday'dyn' man'yzyn alg'a tartty. Biliktilik arttyry' semi'nary barysynda qatysy's'ylar belsendilik tanytyp, taqyryp boi'yns'a o'z oi'larymen, ko'kei'inde ju'rgen say'aldarymen bo'listi. Semi'nar son'yna qarai' semi'nardyn' o'tkizily'i, mazmuny men maqsatqa jety' ereks'elikterin ta'y'elsiz bag'alay' u's'in tyn'day's'ylarg'a say'alnama taratylyp berildi. Say'alnama qorytyndysy semi'nardyn' jog'ary den'gei'de o'tkenin da'leldedi. Biliktilikti arttyry' semi'nary ko'zdegen maqsatyna jetip, qazaq tilin ekins'i til retinde oqyty' a'disnamasy men QAZTEST tapsyrmalary jai'ynda tolyq ma'limet berildi. Semi'nardy tabysty ai'aqtag'an qatysy's'ylarg'a QR Bilim ja'ne g'ylym mi'ni'strligi Ulttyq testiley' ortalyg'y men QR Ma'deni'et ja'ne aqparat mi'ni'strligi S'. S'ai'ahmetov atyndag'y Tilderdi damyty'dyn' respy'bli'kalyq u'i'lestiry'-a'distemelik ortalyg'y atynan serti'fi'kat tabystaldy.
Back to the list
