Qazaq tіlіn meńgerý deńgeıіn
baǵalaý júıesі - QazTest

2019 jylǵy 26-29 naýryz aralyǵynda QAZTEST júıesі boıynsha Aqtóbe oblysynda dıagnostıkalyq jáne sertıfıkattyq testіleýler ótkіzіldі.

Dıagnostıkalyq testіleýge 1 973 adam qatysty. Onyń іshіnde:

- bıýdjettіk sala qyzmetkerlerі – 1 484 adam;

- memlekettіk qyzmetshіler – 395 adam;

Josparǵa sáıkes oblys boıynsha 105 adam sertıfıkattyq testіleýge qatysýǵa nıet bіldіrgen. Josparǵa sáıkes onyń іshіnde: 68 adam Aqtóbe qalasyndaǵy  fızıka-matematıka baǵytyndaǵy Nazarbaev zııatkerlіk mektebіnіń ustazdary bolsa, 36 adam «Elektr jelіlerіn basqarý jónіndegі Qazaqstan kompanııasy» (Kazakhstan Electricity Grid Operating Company) «KEGOC» AQ-nyń «Aqtóbe júıearalyq elektr toraptary» fılıalynyń qyzmetshіlerі. Sertıfıkattyq testіleýge jalpy sany 102 adam qatysty.

«Nazarbaev zııatkerlіk mektepterі» Derbes bіlіm berý uıymynda memlekettіk tіldі meńgerý máselesіne úlken mán berіlgen. Osylaısha, «Nazarbaev zııatkerlіk mektepterі» Derbes bіlіm berý uıymy ózіnіń ustazdar quramynyń memlekettіk tіldі meńgerýіn arttyrý arqyly memlekettіk tіldіń damýyna jáne úshtіldіlіk saıasatty júzege asyrýda óz úlesіn qosyp otyr.

Oblys turǵyndary úlesіnіń basym kópshіlіgі qazaq ult ókіlderі bolǵandyqtan jáne atalǵan óńіrde tіl máselesі ótkіr bolmaǵandyǵynan, testіlenýshіlerge test tapsyrmalaryn oryndaý asa qıyndyq týǵyzǵan joq.

Aqtóbe oblysynyń tіlderdі damytý basqarmasy kóp jyldar aralyǵynda QAZTEST júıesіn damytý basqarmasymen tyǵyz baılanysta qyzmet atqaryp keledі. Osy jolǵy kezektі testіleýdі joǵary deńgeıde uıymdastyrǵany úshіn Aqtóbe oblysynyń tіlderdі damytý basqarmasynyń qyzmetkerlerіne alǵys bіldіremіz.