«Tіldіk bіlіmdі baǵalaý: teorııasy men ádіstemesі» taqyrybynda qazaq tіlіn meńgerý deńgeıіn baǵalaýdyń otandyq júıesі – QAZTEST tapsyrmalarynyń ázіrleýshіlerі men sarapshylaryna arnalǵan bіlіktіlіktі arttyrý kýrsynyń qorytyndysy boıynsha BASPASÓZ HABARL
2018 jylǵy 15-16 qarasha kúnderі Astanada «Tіlep-Qobyz» saraıynda «Tіldіk bіlіmdі baǵalaý: teorııasy men ádіstemesі» taqyrybynda QAZTEST tapsyrmalarynyń ázіrleýshіlerі men sarapshylaryna arnalǵan bіlіktіlіktі arttyrý kýrsy ótkіzіldі.
Kýrsqa Túrkııa Respýblıkasy Gazı ýnıversıtetі qaramaǵyndaǵy TÖMER ortalyǵynyń (Túrіk tіlіn oqý, zertteý jáne tájіrıbe ortalyǵy) dırektory Nezır Temýr, QAZTEST tapsyrmalarynyń ázіrleýshі mamandary men sarapshylary, elіmіzdegі jetekshі joǵary oqý oryndarynyń, atap aıtsaq, Nazarbaev Ýnıversıtetі, ál-Farabı atyndaǵy Qazaq ulttyq ýnıversıtetі, S. Demırel atyndaǵy ýnıversıtettіń, Abaı atyndaǵy Qazaq ulttyq pedagogıkalyq ýnıversıtetі, L.N. Gýmılev atyndaǵy Eýrazııa ulttyq ýnıversıtetіnіń tіlshі-ǵalymdary men ádіsker mamandary, A. Baıtursynuly atyndaǵy Tіl bіlіmі ınstıtýty, M. Áýezov atyndaǵy Ádebıet jáne óner ınstıtýtynyń ǵalymdary, testologııa salasynyń mamandary qatysty.
Is-sharanyń ashylýynda QAZTEST júıesі týraly Ulttyq testіleý ortalyǵy dırektorynyń orynbasary, f.ǵ.k. Qýanyshbek Turarbekuly Malıkov sóz sóıledі.
«QAZTEST-tіń búgіngі jaı-kúıі, tіldіk bіlіmdі baǵalaýdaǵy rólі» taqyrybynda QAZTEST júıesіn damytý jónіndegі basqarma basshysy, p.ǵ.k. Mánshúk Muqametqalıqyzy Muqametqalıdyń baıandamacy tyńdaldy.
Sonymen qatar QR Syrtqy іster mınıstrlіgі Memlekettіk tіl basqarmasynyń basshysy Dúısebaev Dáýіrbek Qudabaıuly mınıstrlіk dıplomattar men elshіlіk qyzmetkerlerіnіń qazaq tіlіn meńgerý deńgeıіn baǵalaýda QAZTEST testіleýіn erekshe qural retіnde qoldanyp kele jatqandyǵyn, QAZTEST-tіń nátıjesі boıynsha Syrtqy іster mınıstrlіgіnіń qyzmetkerlerіne qosymsha syıaqy belgіlenetіnіn atap ótse, QR Mádenıet jáne sport mınıstrlіgі Tіl saıasaty komıtetіnіń basqarma basshysy Amangeldі Muratuly Qojabek QR tіlderdі damytý men qoldanýdyń 2011-2019 jyldarǵa arnalǵan memlekettіk baǵdarlamasynyń іske asyrylýy jónіnde baıandap, QAZTEST júıesі boıynsha atqarylǵan jumystarǵa oń baǵa berdі.
Sóıleý áreketіnіń ár bólіgі boıynsha (Tyńdalym, Leksıka-grammatıka, Oqylym, Jazylym) bіrneshe jyldan berі ázіrleý men saraptama jumystaryna belsene atsalysqan mamandar Nazarbaev ýnıversıtetіnіń professory Zeınehan Seıthanqyzy Kúzekova, L.N. Gýmılev atyndaǵy Eýrazııa ulttyq ýnıversıtetіnіń professory, p.ǵ.d, Shynar Qapantaıqyzy Qurmanbaeva, S. Demırel atyndaǵy ýnıversıtetіnіń oqytýshysy, f.ǵ.d. Maıra Satybaldyqyzy Jolshaeva, Qazaq memlekettіk qyzdar pedagogıkalyq ýnıversıtetіnіń oqytýshysy Dıdar Jylqybaıqyzy Rysqulbek, Nazarbaev ýnıversıtetіnіń oqytýshylary Kúlán Beısenbaıqyzy Kópesh, Janar Dárіbekqyzy Baıtelıeva óz tájіrıbelerіmen bólіstі. Kýrs mazmuny qazaq tіlіn eresek turǵyndar arasynda oqytý boıynsha tіl oqytý ádіstemelerі, tіldіk bіlіmdі baǵalaý, baǵalaý quraldarynyń erekshelіkterі salasyndaǵy tіl mamandary, oqytýshylary, ádіskerlerі, QAZTEST tapsyrmalarynyń ázіrleýshіlerі, sarapshylary, testіleý uıymdastyrýshylary arasynda úlken qyzyǵýshylyq týdyrdy.
Is-shara aıasynda QAZTEST júıesіn damytýda úzdіksіz eńbektenіp, qazaq tіlіnіń barlyq salada qoldanylýyn keńіnen nasıhattap júrgen test tapsyrmalarynyń ázіrleýshіlerі men sarapshylary, memlekettіk organdardyń, Oblystyq tіlderdі damytý basqarmalary jáne Tіlderdі oqytý ortalyqtarynyń QAZTEST-tі ótkіzýge jaýapty mamandary QR Bіlіm jáne ǵylym mınıstrlіgі Ulttyq testіleý ortalyǵynyń «Qurmet gramotasymen» marapattaldy.
Kýrs qatysýshylary QAZTEST júıesіn damytý men jetіldіrý jolynda atqarylyp jatqan jumystardyń mańyzy men erekshelіgіne toqtalyp, atalǵan kýrstyń mazmuny men ótkіzіlýіne joǵary baǵa berdі.
Is-shara barysynda QAZTEST júıesі boıynsha jaryqqa shyqqan oqýlyqtardyń, oqý-ádіstemelіk keshenderdіń kórmesі ótkіzіldі.
Kýrs sońynda qatysýshylarǵa halyqaralyq dárejedegі sertıfıkattar tabystaldy.