QAZTEST júıesі boıynsha test tapsyrmalarynyń qoryn qalyptastyrý maqsatynda QR BǴM Ulttyq testіleý ortalyǵy QAZTEST júıesіn damytý jónіndegі basqarma qyzmetkerlerі Almaty qalasynda 2018 jylǵy 3-7 qyrkúıek aralyǵynda іssaparda boldy.
Test tapsyrmalaryn QAZTEST júıesіnіń normatıvtіk qujattaryna sáıkes (Ulttyq standarttar, Test spetsıfıkatsııasy, leksıkalyq mınımýmdar) joǵary oqý oryndarynyń, atap aıtqanda, ál-Farabı atyndaǵy Qazaq Ulttyq ýnıversıtetіnіń, A. Baıtursynuly atyndaǵy Tіl bіlіmі ınstıtýtynyń, Sýleıman Demırel ýnıversıtetіnіń, Qazaq memlekettіk qyzdar pedagogıkalyq ýnıversıtetіnіń tіlshі-ǵalymdary, ádіsker mamandary ázіrleıdі.
2018 jyldyń II jartyjyldyǵynda sóıleý áreketіnіń tórt túrі boıynsha (Tyńdalym, Leksıka-grammatıkalyq bólіk, Oqylym, Jazylym) jalpy sany 8000 test tapsyrmasy jınaqtaldy.
Aǵymdaǵy jyldyń 17-19 qyrkúıek aralyǵynda ázіrlengen test tapsyrmalarynyń táýelsіz saraptamasy ótkіzіledі. Test tapsyrmalarynyń sarapshylary – testіleý jáne tіldіk bіlіm deńgeıіn baǵalaý salasynda semınarlar, avtorlyq kýrstardan ótken tіlshі-ǵalymdar, ádіskerler men testologııa salasynyń mamandary.