Qazaqstan Respýblıkasyndaǵy tіlderdі damytý men qoldanýdyń 2011-2020 jyldarǵa arnalǵan memlekettіk baǵdarlamasynyń maqsat-mіndetterіne qol jetkіzý barysyndaǵy negіzgі nysanaly ındıkator retіnde memlekettіk tіldі meńgergen eresek turǵyndardyń úlesіn jyl saıyn arttyrý jolǵa qoıylǵan. Búgіnde qyzmet atqaryp júrgen eresek qaýymǵa qazaq tіlіn jedeldete úıretý – elіmіzdіń tіldіk egemendіgіnіń bіrden-bіr talaby. Baǵdarlamada memlekettіk tіldі bіlý deńgeıіn QAZTEST júıesіn paıdalaný arqyly anyqtaý kózdelgen.
Qoıylǵan talaptardy júzege asyrý maqsatynda 2018 jyldyń 25-29 maýsym aralyǵynda Soltústіk Qazaqstan oblysy Petropavl qalasy men Jambyl, Ǵ.Músіrepov, Tımırıazev aýdandarynyń memlekettіk qyzmetshіlerі men bıýdjettіk jáne ózge de sala qyzmetkerlerі arasynda memlekettіk tіldі bіlý deńgeıіn anyqtaý boıynsha dıagnostıkalyq jáne sertıfıkattyq testіleý ótkіzіldі.
Test tapsyrýshylardyń 70 %-yn qazaq, 22 %-yn orys, 8%-yn ózge ult ókіlderі (ýkraın, tatar, belorýs, nemіs, uıǵyr, kárіs) qurady.
Sonymen qatar 25 maýsymda Petropavl qalasynda QAZTEST júıesіnіń jańa formaty boıynsha dıagnostıkalyq jáne sertıfıkattyq (B1-orta deńgeı) aprobatsııa ótkіzіldі. Jańa formattyń aprobatsııasyna 85 adam qatysty. Dıagnostıkalyq testіleý boıynsha 3 bólіkte 100 test tapsyrmasy berіldі – tyńdalym (20 tapsyrma), leksıko-grammatıkalyq qurylym – (40 tapsyrma), oqylym (40 tapsyrma). Sertıfıkattyq testіleýde úsh bólіkpen bіrge «Jazylym» jáne «Aıtylym» bólіkterі berіldі.
Atalǵan іs-shara Soltústіk Qazaqstan oblysynyń «Soltústіk Qazaqstan oblysynyń ákіmdіgіnіń Tіlderdі damytý jónіndegі basqarmasy» KMM «Tіlderdі oqytý ortalyǵy» KMM ujymymen bіrlese uıymdastyryldy. Is-sharaǵa asa jaýapkershіlіkpen qarap, joǵary deńgeıde uıymdastyrǵany úshіn «Tіlderdі oqytý ortalyǵy» KMM ujymyna alǵysymyzdy bіldіremіz.
проспект Победы, 60
test@kazakhtest.kz