Қазақстан Республикасы Ғылым және жоғары білім министрлігі Ұлттық тестілеу орталығы директорының 2023 жылғы 23 қаңтардағы № 27-Н/Қ бұйрығымен бекітілген «Қазақ тілін меңгеру деңгейін бағалау (ҚАЗТЕСТ)» бойынша тестілеу өткізу жөніндегі қағидаларға (бұдан әрі – Қағидалар) өзгерістер енгізілгенін хабарлаймыз.
Жаңа Қағидаларға сәйкес тестіленушілерге сертификаттық тестілеуді сәтті тапсырған жағдайда берілетін QAZTEST сертификаты және межелік балл көрсеткіштерін жинай алмай қалған жағдайда ұсынылатын анықтама үлгісі өзгерді.
QAZTEST сертификатының жоғарғы оң жағындағы QR-код – PDF форматында сертификатты жүктеп алуға сілтемені, сол жағындағы QR-код – сертификат мәліметтері көрсетілетін парақшаға сілтемені білдірсе, төменгі сол жақ бұрышындағы QR-код – сертификат түпнұсқалығын анықтауға арналған қызметтік ақпаратты қамтиды.
Бүгіннен бастап тестіленушілер QAZTEST жүйесі бойынша тестілеу нәтижелерін (Сертификат немесе Анықтама) Ұлттық тестілеу орталығының certificate.testcenter.kz сайтынан жүктей алады. Ұялы телефондарда (Android / iOS) сайтты «Google Chrome» браузері арқылы ашу ұсынылады.
Сондай-ақ, 2023 жылғы 23 қаңтарға дейін шығарылған бұрынғы үлгідегі сертификаттардың жарамдылық мерзіміне сәйкес жаңа үлгідегі сертификаттармен қатар қолданылатынын мәлімдейміз.
Сертификат пен анықтаманың жаңа үлгісі парақшаның төменгі жағында назарларыңызға ұсынылып отыр.
проспект Победы, 60
test@kazakhtest.kz