Қазақ тілін меңгеру деңгейін
бағалау жүйесі - ҚазТест

2022 жылғы 3-7 қазан аралығында Шымкент қаласында қазақ тілін білу деңгейін анықтау бойынша диагностикалық және сертификаттық тестілеулер өтті. Тестілеу Қазақстан Республикасындағы тіл саясатын іске асырудың 2020 – 2025 жылдарға арналған мемлекеттік бағдарламасы аясында ұйымдастырылды. Диагностикалық тестке барлығы 547 адам қатысты. Тыңдалым, лексика-грамматика және оқылым бөліктері бойынша барлығы 100 тапсырманы 1 сағат 40 минутта орындады.

Сертификаттық тестілеуге жалпы саны 50 адам қатысты. Сертификаттық тестілеу 4 деңгей бойынша өткізілді. Сертификаттық тестілеу бойынша тестіленушілерге Тыңдалым, Лексика-грамматикалық құрылым, Оқылым бөліктері бойынша тест тапсырмалары, Жазылым бөлігі бойынша диктант, мазмұндама және эссе түріндегі жазба жұмыстары ұсынылды. Сонымен қатар Айтылым бөлігі бойынша ауызша тапсырмалар ұсынылды.