Қазақ тілін меңгеру деңгейін
бағалау жүйесі - ҚазТест

QAZTEST жүйесі тест тапсырмаларының қорын жаңа форматқа сәйкестендіру мақсатында 2022 жылғы 6-10 маусым аралығында Ұлттық тестілеу орталығында QAZTEST тапсырмаларына ревизия жасау жұмыстары өткізілді.

Тест тапсырмаларын QAZTEST жүйесінің нормативтік құжаттарына сәйкестендіру жұмыстарын (Ұлттық стандарттар, Тест спецификациясы, лексикалық минимумдар) жоғары оқу орындарының, атап айтқанда, Л.Н. Гумилев атындағы Еуразия ұлттық университетінің, Назарбаев Университетінің, А.Байтұрсынұлы атындағы Тіл білімі институтының, Сулейман Демирел университетінің, Оңтүстік Қазақстан мемлекеттік педагогикалық университетінің, Абай атындағы Қазақ ұлттық педагогикалық университетінің тілші-ғалымдары жүргізді.

Ревизия сөйлеу әрекетінің үш түрі (Тыңдалым, Лексика-грамматикалық бөлік, Оқылым) бойынша жалпы саны 8000 тест тапсырмасына жасалды.

Барлығы 35 тілші, тестолог мамандар ревизия жұмыстарына тартылды.