Қазақ тілін меңгеру деңгейін
бағалау жүйесі - ҚазТест

Ағымдағы жылғы 10, 22 маусым күндері Қарағанды медицина университеті мен Академик Е.А.Бөкетов атындағы Қарағанды университетінің оқытушыларына Қазтест сынағы ұйымдастырылды.

Аталған ұйымдарда Қазтест жүйесі бойынша сертификаттық тестілеу оқытушылардың мемлекеттік тілді орта (В1) және ортадан жоғары (В2) деңгейлерде білу деңгейлерін бағалау және Қазақстан Республикасындағы тіл саясатын іске асырудың 2020-2025 жылдарға арналған мемлекеттік бағдарламасында көрсетілген нысаналы индикаторларға қол жеткізу мақсатында өткізілді.

Қазтест жүйесі бойынша сертификаттық тестілеуге аталған жоғары оқу орындарының 90 қызметкері қатысты.

Тестілеу қорытындысына сәйкес ортадан жоғары деңгей (В2) бойынша тестілеуге қатысқан 46 қызметкердің 28-і, ал орта деңгей (В1) бойынша 44 қызметкердің 35-і оң нәтиже көрсетіп, сертификатқа ие болды.