Қазақ тілін меңгеру деңгейін
бағалау жүйесі - ҚазТест

Ағымдағы жылдың 2-5 шілде аралығында Алматы қаласында қазақ тілін меңгеру деңгейін анықтау мен бағалауға арналған ҚАЗТЕСТ тестілеуі өткізілді. Кезекті тестілеудің әлеуметтік құрамы келесідей болды: медицина саласының қызметкерлері, әскери қызметшілер, педагог мамандары, сыбайлас жемқорлыққа қарсы өкілетті орган қызметкерлері және мемлекеттік емес мекеме қызметкерлері.

Медицина саласының мамандары мемлекеттік тілді білу деңгейін бағалауға арналған тестілеуге алғаш рет қатысып, отандық жүйесінің құрылымы мен мазмұнымен танысты.

ҚАЗТЕСТ жүйесі бойынша мемлекеттік мекемелермен қатар акционерлік қоғам, ұлттық компания қызметкерлері де өтуде. Мәселен, осы жолы сертификаттық тестілеуден «Электр желілерін басқару жөніндегі Қазақстан компаниясы «KEGOC» (Kazakhstan Electricity Grid Operating Company) акционерлік қоғамының «Алматы жүйеаралық электр тораптары» филиалының 20 қызметкері мен Алматы қаласындағы физика-математика бағытындағы Назарбаев Зияткерлік мектебінің 12 мұғалімі өтті.