Маңғыстау облысының мемлекеттік және азаматтық қызметшілері ҚАЗТЕСТ тапсырды
2018 жылғы 13-19 мамыр аралығында Қазақстан Республикасы Білім және ғылым министрлігі Ұлттық тестілеу орталығы Маңғыстау облысы тілдерді дамыту, архивтер мен құжаттама басқармасымен бірлесе отырып, мемлекеттік және азаматтық қызметшілер арасында қазақ тілін меңгеру деңгейін анықтау мақсатында ҚАЗТЕСТ жүйесі бойынша кезекті тестілеуді өткізді. Тестілеу жұмысына Ақтау қаласы мен Маңғыстау, Бейнеу аудандарынан 527 мемлекеттік қызметші, 103 бюджеттік сала қызметкері қатысты.
Бұл шара Қазақстан Республикасындағы тілдерді дамыту мен қолданудың 2011-2020 жылдарға арналған мемлекеттік бағдарламасының міндеттерін жүзеге асыру мақсатында өткізілді.