2018 жылғы 26-30 наурыз аралығында Қарағанды облысында ҚАЗТЕСТ жүйесі бойынша мемлекеттік қызметшілер, бюджеттік сала қызметкерлері арасында кезекті байқау сынағы өткізілді. Тестілеу Қарағанды қаласы және Теміртау, Саран, Абай, Шахтинск, Бұқар жырау, Қарқаралы, Нұра, Осакаровка аудандарында ұйымдастырылды. Тестілеуге жалпы саны 1292 адам қатысты, оның ішінде 440-ы мемлекеттік қызметші, 774-і бюджеттік сала қызметкерлері. Тестілеуді ұйымдастыруға Қарағанды облысы Тілдерді дамыту жөніндегі басқармасы, Ұлттық тестілеу орталығының өңірлік филиал қызметкерлері атсалысты. Айта кету керек, Қарағанды облысы Қазақстан Республикасында тілдерді дамыту мен қолданудың 2011-2020 жылдарға арналған мемлекеттік бағдарламасының міндеттерін жүзеге асыруға белсене қатысатын аймақтардың бірі.
