Қазақ тілін меңгеру деңгейін
бағалау жүйесі - ҚазТест

2018 жылдың 12-16 ақпан аралығында қазақ тілін меңгеру деңгейін анықтау және бағалау ҚАЗТЕСТ жүйесі бойынша Алматы облысының мемлекеттік және азаматтық қызметкерлері арасында тестілеу өткізілді.

Жалпы облыс бойынша 1395 тестіленуші қатысты, оның ішінде 1212 диагностикалық және 183 тестіленуші сертификаттық (В1 деңгей) тестілеуден өтті. Мемлекеттік қызметшілер саны – 315, бюджеттік сала қызметкерлері – 1056 адамды құрады. Еңбекшіқазақ ауданы бойынша – 238 адам, Іле ауданы – 240 адам, Жамбыл ауданы – 283 адам, Қарасай ауданы – 292 адам, Талғар ауданы – 342 адам.

Аталған іс-шара Талдықорған қаласының облыстық «Тіл» оқу-әдістемелік орталығы ұжымымен бірлесе ұйымдастырылды. Іс-шараға аса жауапкершілікпен қарап, жоғары деңгейде өткізгендері үшін Алматы облысы «Тіл» оқу-әдістемелік орталығы ұжымына алғысымызды білдіреміз.